کابل۔27جنوری(ایجنسیاں)
افغان دارالحکومت کابل کے انتہائی حساس علاقے میں کار بم دھماکے میں جاں بحق ہونے والوں کی تعداد95 ہوگئی ہے۔برطانوی اخبار کے مطابق دھماکے میں جاں بحق افراد کی تعداد 95 اور زخمیوں کی تعداد 163 ہے جبکہ امریکی اخبار کے مطابق دھماکے میں 63 افراد ہلاک اور 151 زخمی ہوئے ہیں۔
افغان وزراتِ داخلہ نے دھماکے کی تصدیق کرتے ہوئے بتایا کہ دھماکہ صدارت اسکوائر میں وزارتِ داخلہ کی پرانی عمارت کے سامنے ہوا جہاں کئی غیر ملکی سفارتخانے اور سرکاری عمارتیں بھی موجود ہیں۔افغان وزارت داخلہ نے دعویٰ کیا ہے کہ دہشت گردوں نے دھماکے کے لیے ایمبولینس استعمال کی تھی۔
