ابو ظہبی۔12فروری(ایجنسیاں)
متحدہ عرب امارات کے دارالحکومت ابو ظہبی میں 2020ءتک ہندوو¿ں کے پہلے پتھر کے مندر کی تعمیر مکمل ہوجائے گی۔ باضابطہ طور پڑ یہ مشرق وسطیٰ میں بھی پہلا مندر ہوگا
اماراتی اخبار کے مطابق اس مندر کا نقشہ اور عمارتی ڈھانچا بھارت کے دارالحکومت نئی دہلی میں واقع اکشر دھام مندر کے مشابہ بنایا گیا ہے۔یہ مندر دبئی اورابو ظہبی کے درمیان مرکزی شاہراہ پر واقع ہوگا۔اس میں ہندو پجاریوں کے لیے ایک عبادت خانہ ، نمائش گاہ ، تدریسی کمرے ، بچوں کے لیے کھیل کی جگہ ، باغ ، فوارے اور ایک کتب خانہ ہوگا۔ہندوستان میں پتھروں کی تراش خراش کے ماہرین اس کی تعمیر میں استعمال ہونے والے پتھروں کو کندہ اور تراش کررہے ہیں اور انھیں ابو ظہبی میں عمارت کی شکل میں جوڑا جائے گا۔
