انقرہ۔6اپریل(ملت ٹائمز)
ترکی کے وزیر اعظم بن علی یلدرم کا کہنا ہے کہ جب تک دہشت گردی کے خطرات موجود رہیں گے تب تک ہم اس معاملے میں نرمی سے کام نہیں لے سکتے۔وزیر اعظم کا کہنا تھا کہ “چاہے منبج ہو یا دریائے فرات کا مشرق یا مغرب ، جب تک خطے میں دہشت گردی کے بادل نہیں چھٹتے ہم اپنی جنگ کو بلا کسی رعایت کے جاری رکھیں گے۔جناب یلدرم نے ان خیالات کا اظہار منگولیا کے دورے پر روانگی سے قبل انقرہ کے ہوائی اڈے پر ایک پریس کانفرس کے دوران کیا ۔
ٹی آر ٹی اردو کے مطابق انہوں نے فرانسیسی صدر امینول ماکرون کے شامی شہر منبج کو مزید 50 فوجی روانہ کرنے کے دعوے پر اظہار ِ خیال کرتے ہوئے کہا ہے کہ “ہماری حساسیت واضح ہے، چاہے منبج ہو یا پھر دریائے فرات کا مغرب ہو یا مشرق ہم کسی قسم کی رعائت نہیں دیں گے اور وہاں پر کن کن کے موجود ہونے کی کوئی اہمیت نہیں ہے۔
