یوم سر سید پہ دربھنگہ میں ڈاکٹر آرزو کی سربراہی میں شاندار پروگرام ہمیں سرسید خان کے خوابوں کو پورا کرنا ہوگا:  ڈاکٹر آرزو

 دربھنگہ:  علی گڑھ مسلم یونیورسٹی اولڈ بوائز ایسوسی ایشن (اے ایم یو او بی اے) دربھنگہ چیپٹر کے ذریعہ علامہ اقبال لائبریری کے احاطے میں سرسید احمد خان کی 202 ویں یوم پیدائش کا اہتمام کیا گیا۔ جس کی صدارت ڈاکٹر بدرے عالم خان پرنسپل چندردھاری میتھلا لاء کالج نے کی۔ مہمان خصوصی محمد وسیم احمد ضلع اقلیتی بہبود افسر دربھنگہ اور معزز مہمان نیاز احمد سابق ڈسٹرکٹ آفیسر ، پروفیسر شاکر خلیق سکریٹری صغری ہائی اسکول اور پروفیسر مننان طرزی مشہور سینئر شاعر (صدر ایوارڈ یافتہ) کے طور پر شامل ہوئے۔ مہمان خصوصی وسیم احمد نے کہا کہ یوم سرسید ہو اور مجھے مہمان خصوصی بنایا جائے اس سے بڑی بات ہمارے لئے کیا ہوگی۔ ہمیں یہ سوچنا اور سمجھنا ہوگا کہ تعلیم کی کیا اہمیت ہے؟ معزز مہمانوں نے سرسید کی تعلیم اور علی گڑھ مسلم یونیورسٹی کی اہمیت پر تفصیل سے تبادلہ خیال کیا۔ پروفیسر بدرے عالم خان نے صدارت کرتے ہوئے کہا کہ ہمیں آج ان کی یاد میں یہ پروگرام کرکے اپنی اولاد کو تعلیم دلانے کا حلف اٹھانا پڑے گا۔ آخر میں پروگرام آرگنائزر ڈاکٹر احمد نسیم آرزو ڈائریکٹر ، الہلال ہسپتال نے سبھی مہمانوں کا شکریہ ادا کرتے ہوئے کہا کہ ہمیں سرسید احمد خان کے خوابوں کو پورا کرنا ہوگا۔ پروگرام کی نظامت معروف ڈاکٹر دلشاد انور آرتھوپیڈکس نے کی۔ پروگرام میں ڈاکٹر ایم آئی ایچ نعمانی ، ڈاکٹر آصف شاہنواز ، ممتاز عالم ایڈووکیٹ ، ڈاکٹر ساجد حسین ، ڈاکٹر رضوان حیدر ، ڈاکٹر اصغر علی ، ڈاکٹر شمیم ​​خرم اعظمی ، ڈاکٹر احسن حمیدی ، ڈاکٹر ناصر ، ڈاکٹر عقیل صدیقی ، ڈاکٹر نثار احمد ، میکسیمائنڈ ہیلتھکئیر پرائویٹ لیمیٹیڈ نئی دہلی ڈایریکٹر مارکیٹینگ وپرموشن شاہد اطہر ، احمد رشید سینٹر ہیڈ ویوو ہیلتھکیئر، راشد نظام ، قمر جاوید وغیرہ شامل ہوئے.