کشمیر سے کنیا کماری تک حالات خراب، لیکن شمال مشرق میں حالت سب سے بدتر: غلام نبی آزاد

کانگریس کے سینئر لیڈر غلام نبی آزاد نے آسام کے حالات پر تشویش کا اظہار کیا ہے۔ انھوں نے میڈیا سے بات چیت کرتے ہوئے کہا کہ ’’ملک میں کشمیر سے کنیا کماری تک حالات خراب ہیں، لیکن شمال مشرقی ریاستوں میں حالت سب سے زیادہ بدتر ہے۔‘‘ انھوں نے مزید کہا کہ ’’دونوں ایوان میں شہریت ترمیمی بل 2019 پاس ہونے کے نتیجہ میں حالات بے قابو ہو رہے ہیں۔ شمال مشرقی ریاستوں کے لوگ مذہب سے اوپر اٹھ کر اس بل کے خلاف آواز اٹھا رہے ہیں۔‘‘