پاکستان ، تاجکستان اور ہندوستان کے کئی حصوں میں زلزلے کے تیز جھٹکے

زلزلے کے جھٹکے ہندوستان کے کئی حصوں کے علاوہ پاکستان اور تاجکستان میں بھی محسوس کئے گئے۔

دہلی این سی آر سمیت ہندوستان کے کئی حصوں میں تیز زلزلے کے جھٹکے محسوس ہوئے جس کے بعد کئی علاقوں میں خوفزدہ لوگ گھروں سے باہرنکل آئے۔

رات 10بج کر31 منٹ پر ہندوستان کے کئی حصوں میں زلزلےکے جھٹکے محسوس کئے گئے اور اس کی شدت 6.3 بتائی گئی ہے۔ زلزلےکے جھٹکےہندوستان کے کئی حصوں کے علاوہ پاکستان اور تاجکستان میں بھی محسوس کئے گئے۔

دہلی میں زلزلہ کے جھٹکے محسوس ہوتے ہوئے مختلف مقامات پر لوگوں کے درمیان افراتفری مچ گئی اور وہ گھروں سے نکل کر کھلی جگہ پر آگئے۔کشمیر سے ملنے والی اطلاعات کےمطابق جھٹکوں کے بعد لوگ خوفزدہ ہوگئے اور بڑی تعداد میں اپنے گھروں سے باہر نکل کر کھلی جگہ میں آ گئے۔

In pics- People carrying their kids while standing at the middle of a road during massive earthquake in Srinagar. #Srinagar #Kashmir #earthquake pic.twitter.com/mtcPknDvVg

— Umar Ganie (@UmarGanie1) February 12, 2021

زلزلہ کی وجہ سے کسی طرح کے جان و مال کے نقصان کی فوری طورپر کوئی رپورٹ نہیں ہے۔ یہ جھٹکے اس وقت آئے جب لوگ گھروں پر تھے اور سونے کی تیاری کر رہے تھے۔ لوگوں نے تصاویر اور ویڈیو شئیر کیں ۔ جس میں کانگریس کی ترجمان راگنی نائک نے ویڈیو شئیر کرتے ہوئے ٹویٹ کیا ’’ قیامت سے کیا ڈرے کوئی، اب قیامت روز ہی آتی ہے۔ ایک مرتبہ پھر دہلی میں زلزلے کے جھٹکے محسوس ہوئے، امید ہے کہ سبھی لوگ محفوظ ہوں گے۔‘‘

कयामत से क्या डरे कोई,
अब कयामत भी रोज़ आती है 🙄

एक बार फिर दिल्ली में भूकम्प के झटके महसूस हुए..उम्मीद है सभी लोग महफ़ूज़ होंगे 🙏

#earthquake pic.twitter.com/X2jwEKGAMn

— Dr. Ragini Nayak (@NayakRagini) February 12, 2021