کورونا کی وبا ابھی ختم نہیں ہوئی، ’ایلفا‘، ’بیٹا‘، ’گاما‘ اور ’ڈیلٹا‘ باعث تشویش: عالمی ادارہ صحت

کورونا کی وبا ابھی ختم نہیں ہوئی، ’ایلفا‘، ’بیٹا‘، ’گاما‘ اور ’ڈیلٹا‘ باعث تشویش: عالمی ادارہ صحت

ورلڈ ہیلتھ آرگنائزیشن کا مزید کہنا ہے کہ کورونا کے زیادہ خطرناک ویرینٹ آسکتے ہیں جنہیں کنٹرول کرنا چیلنج سے بھرا ہوگا۔

کورونا وبا کا خوف بدستور جاری ہےاور تیسری لہر کو لے کر طرح طرح کی باتیں کی جا رہی ہیں۔ اب عالمی ادارہ صحت (ڈبلیو ایچ او) نے کورونا وائرس کے نئے ویرینٹ کے پھیلاؤ سے متعلق انتباہ جاری کیا ہے۔

ورلڈ ہیلتھ آرگنائزیشن کے مطابق کورونا کی وبا ابھی ختم نہیں ہوئی اور اس کے پھیلاؤ کا رجحان خطرناک ہے، اس وقت کورونا کے ویرینٹ ’ایلفا‘، ’بیٹا‘، ’گاما‘ اور ’ڈیلٹا‘ باعث تشویش ہیں۔

ورلڈ ہیلتھ آرگنائزیشن کا مزید کہنا ہے کہ کورونا کے زیادہ خطرناک ویرینٹ آسکتے ہیں جنہیں کنٹرول کرنا چیلنج سے بھرا ہوگا۔

دنیا ہلاکت خیز کورونا وائرس کی موذی وباء سے مریضوں کی تعداد میں اضافہ اور اس کے باعث اموات میں مسلسل اضافہ جاری ہے۔

دنیا بھر میں کورونا وائرس سے متاثرہ افراد کی تعداد 18 کروڑ 93 لاکھ 18 ہزار 691 تک جا پہنچی ہے جبکہ اس موذی وائرس سے ہلاکتوں کی تعداد 40 لاکھ 76 ہزار 935 ہو چکی ہیں۔

Comments: 0

Your email address will not be published. Required fields are marked with *