غزل
خوں رلانے سے کچھ نہیں ہوتا
آزمانے سے کچھ نہیں ہوتا
آنکھ سے داغ کب پڑا ہے میاں
منہ دکھانے سے کچھ نہیں ہوتا
خواب جیسی حسین دنیا میں
آنے جانے سے کچھ نہیں ہوتا
ہجر جب دل میں آ کے بس جائے
” دل لگانے سے کچھ نہیں ہوتا “
کهل کے کہہ دو کہ پیار کرتا ہوں
مسکرانے سے کچھ نہیں ہوتا
اپنی مرضی سے شعر اترے گا
سر کھپانے سے کچھ نہیں ہوتا
میں مسلسل اذیتوں میں ہوں
کیا بتانے سے کچھ نہیں ہوتا ؟
کوئی دکھ بھی ھو جینے کو آسی
آب و دانے سے کچھ نہیں ہوتا
آسیہ شوکت آسیؔ
اسلام آباد
