بنگلورو: (ملت ٹائمز؍ایجنسیاں) ۵؍ستمبر کے دن تقریباً ۸ بجے کے قریب گوری لنکیش کا ان کے گھر کی گیٹ پر بے رحمی کے ساتھ قتل کردیا گیا تھا۔ سی سی ٹی وی فوٹیج سے اس واقعہ کی کئی تصویرں حاصل کی گئی ہیں اور اس میں حملہ آوروں کی بھی تصویریں ہیں جو ہیلمٹ پہنے ہوئے تھے۔ کرناٹک پولیس کی خصوصی تحقیقاتی ٹیم ( ایس ائی ٹی ) جو گوری لنکیش کے قتل کی تحقیقات کررہی ہے نے متوفی جرنلسٹ کے گھر پر نصب سی سی ٹی وی کیمرے سے حاصل متعدد تصویریں امریکہ کی عصری لیباریٹری کو روانہ کیا ہے تاکہ مذکورہ تصویروں کو بڑا کرتے ہوئے حملہ آوروں کی شناخت کو یقینی بنایا جاسکے۔ پندرہ روزہ اخبار کی سربراہ کے ۵؍ستمبر کو ہوئے قتل کا مرکز تحقیق مذکورہ سی سی ٹی وی فوٹیج سے حاصل تصویریں ہیں۔
تحقیقات میں شامل پولیس افسروں کے مطابق مذکورہ تصوئیریں امریکی کی لیباریٹری کو روانہ کی گئی ہیں تاکہ اس کو بڑا کیا جاسکے اور توقع کی جارہی ہے انے والے دو چار روز میں اس کے نتائج بھی برآمد ہوجائیں گے۔ایس ائی ٹی کی کوشش ہے کہ تصاویروں کی شناخت کے بعد قاتلوں کا ان افراد کی فہرست سے تقابل کریں گے جو اسی کے کیسس میں ملک کے اندر مشتبہ اور مفرور ہیں۔
سی سی ٹی فوٹیج کی اہم جانچ یہ بھی ہے کہ حملہ آوروں نے جس موٹر سیکل کا استعمال کیا ہے اس کی شناخت تاکہ قاتلوں تک آسانی سے رسائی ہوسکے۔ پولیس ذرائع نے کہاکہ کمیروں سے منسلک سی سی ٹی وی ویڈیو کے محفوظ ہونے کے حقیقی وقت کی بھی ایس ائی ٹی جانچ کررہی ہے۔
رات کے اوقات میں گھر کے باہر قتل سے قبل پیش ائی سرگرمی مذکورہ مناظر میں نہیں تھی۔ تحقیقات کرنے والی ٹیم کو امید ہے کہ سی سی ٹی وی انفارمیشن سے مشتبہ لوگوں کی شناخت میں کچھ حد تک مدد ملے گی اور اس گاڑی کے متعلق بھی معلوما ت حاصل ہوگی جس کا حملہ آوروں نے استعمال کیاتھا۔ اس کے علاوہ گاڑی کی تلاشی مہم میں بھی شدت پیدا کردی گئی ہے۔
