افغانوں کو امداد پہنچانے میں طالبان کو شامل کرنا اہم: گٹریس

افغانوں کو امداد پہنچانے میں طالبان کو شامل کرنا اہم: گٹریس

اقوام متحدہ کے سکریٹری جنرل نے کہا،’1947 سے اقوام متحدہ افغانستان میں ہےاور اقوام متحدہ کا ان لوگوں کی انسانی امداد کرنے میں اہم کردار ہے جو اب مایوسی کی صورتحال میں ہیں۔
اقوام متحدہ کے سکریٹری جنرل انٹونیو گٹریس نے ہفتے کے روز کہا کہ طالبان کو شامل کرنا اور افغانوں کو انسانی امداد مہیا کرنا انسانی تباہی اور معاشی کساد بازاری دونوں سے بچنے کے لیے اہم ہے۔گٹریس نے طالبان کو موثر ڈھنگ سے شامل کرنے کے لیے ممالک کی اہمیت پر بھی زور دیا۔
اقوام متحدہ کے سکریٹری جنرل نے کہا، ’1947 سے اقوام متحدہ افغانستان میں ہے۔ انہوں نے کہا کہ اقوام متحدہ کا ان لوگوں کی انسانی امداد کرنے میں اہم کردار ہے جو اب مایوسی کی صورتحال میں ہیں۔
مسٹر گٹریس نے افغانستان میں یو این امدادی مشن کے بارے میں کہا کہ ملک کی موجودہ بے یقینی کے پیش نظر نئے انتظامات کرنا مشکل ہوگا۔

پاکستان میں پیرسے کابل کے لیے کمرشیل پروازیں ہوں گی بحال
پاکستان انٹرنیشل ایئرلائنس (پی آئی اے) نے 13 ستمبر یعنی پیر سے افغانستان کے دارالحکومت کابل کے لیے کمرشیل پروازیں دوبارہ شروع کرنے کا فیصلہ کیا ہے۔ پی آئی اے کے افسر نے کہا کہ افغانستان کے سیول ایوی ایشن اتھارٹی کی جانب سے کابل ایئرپورٹ پر اترنے کی اجازت دی گئی ہے۔
اس درمیان پی آئی اے کے ترجمان عبداللہ حفیظ خان نے کہا کہ پاکستان کو فلائٹ آپریشن کے لیے تمام ٹیکنیکل منظوری مل گئی ہے اور ایک ایئربس اے 320 جیٹ مسافروں کو اسلام آباد سے کابل لے جانے والا ہے۔
پی آئی اے کے افسران کے مطابق گزشتہ ماہ کے آخر میں پی آئی اے نے کابل میں اپنے آپریشن کو عارضی طو رپر ملتوی کر دیا تھا۔

Comments: 0

Your email address will not be published. Required fields are marked with *