فلسطین کے سابق اسیر اور اسرائیلی جیلوں میں سب سے طویل عرصہ قید رہنے والے فلسطینیوں میں شمار ہونے والے ماہر عبد اللطیف یونس اتوار کی صبح 68 برس کی عمر میں انتقال کر گئے۔
ماہر یونس کو فلسطینی اسیران کی تحریک کی ایک نمایاں شخصیت سمجھا جاتا تھا۔ انہوں نے اپنی زندگی کے تقریباً 40 سال اسرائیلی جیلوں میں گزارے اور 19 جنوری 2023 کو اپنی چالیس سالہ سزا مکمل ہونے کے بعد رہائی پائی۔
انہیں 1983 میں، صرف 25 سال کی عمر میں گرفتار کیا گیا تھا۔ گرفتاری کے بعد طویل تفتیش کا سامنا کرنا پڑا اور ابتدا میں انہیں سزائے موت سنائی گئی، تاہم بعد میں اس سزا کو عمر قید میں تبدیل کر دیا گیا۔ بعد ازاں 2012 میں ان کی سزا کو کم کرکے 40 سال قید مقرر کر دیا گیا۔
اس طویل اسیری کے دوران ماہر یونس کو ذاتی زندگی کے کٹھن ترین صدمات بھی برداشت کرنا پڑے۔ 2008 میں ان کے والد انتقال کر گئے، جو خود بھی ماضی میں کئی برس اسرائیلی قید میں رہ چکے تھے، مگر ماہر یونس اپنے والد کی آخری رسومات میں بھی شریک نہ ہو سکے۔
رہائی کے بعد بھی وہ فلسطینی اسیران کے حقوق اور ان کی جدوجہد کی ایک اہم علامت سمجھے جاتے رہے۔ ان کا انتقال فلسطینی عوام، بالخصوص سابق اسیران اور قیدیوں کے اہل خانہ کے لیے ایک بڑا نقصان قرار دیا جا رہا ہے۔
Support Independent Media
Click Here and Join the Membership of Millat Times to Support Independent Media.
Support Millat Times