دیوبند(ملت ٹائمز۔سمیر چودھری)
ازہر ہند دارالعلوم دیوبند میں آج دورہ حدیث شریف کے بمپر رزلٹ کے بعد طلباءکے چہروں پر خوشی و شادمانی کی لکیریں صاف محسوس کی جارہی ہیں ،کیونکہ مجلس تعلیمی کے فیصلے نے جہاں ابتدائی درجات کے طلباءکو مایوس کرتے ہوئے کافی کم تعداد میں داخلہ دیا تھا وہیں آج منظر عام پر آئے دورہ حدیث شریف کے لئے ساڑھے آٹھ سو زائد جدید طلبا ءکو داخلے دینے کا فیصلہ کیاگیا تھا۔ دورہ حدیث شریف کے امتحان میں تقریباً چار ہزار طلباءنے شرکت کی ،جس میں پہلے ہی مرحلہ میں مشکوٰة شریف کے پرچہ کے بعد تقریباً ڈھائی ہزار طلباءدوڑ سے باہر ہوگئے تھے،جس کے بعد بقیہ امتحانات میں شرکت کرنے والے تقریباً چودہ سو طلباءمیں سے دارالعلوم دیوبند کی مجلس تعلیمی نے بڑا فیصلہ کرتے ہوئے 862 طلباءکو داخلہ کا اہل پایا ہے ،حالانکہ ان میں تقریباً دوسو طلباءکے نام غیر امداد داخلے کے طورپر شامل کئے گئے ہے۔ دیر رات منظر عام پر آئے دورہ حدیث کے نتیجے کو دیکھنے کے لئے دفتر تعلیمات کے احاطہ میںدیر رات سے ہی طلباءکا ہجوم دیکھا گیا اور نتائج کے بعد طلباءکے چہروںپر شادمانی و اطمینان کی لکیریں صاف محسوس کی جارہی تھی، کیونکہ علم دین حاصل کرنے والے طلباءکی مادرعلمی میں داخلہ کی دیرینہ خواہش ہوتی اور اس عالمی ادارے میں طلباءاپنے داخلہ کو خوش بختی اور سعادتمندی سے تعبیر کرتے ہیں۔ گزشتہ روزمنظر عام پر آئے ہفتم کے نتیجے کے مطابق 257 طلباءکو داخلہ کااہل قرار دیاگیاہے۔ حسب سابق دارالعلوم دیوبند میں داخلہ امتحان کی کارروائی گزشتہ 2 شوال سے جاری تھی اور ا ب تکمیل تک پہنچ چکی ہے، اول تا ششم کے امتحان کے نتائج پہلے ہی آچکے ہیں جس میں بالترتیب اول عربی میں 48، دوم عربی میں 31،سوم عربی میں 50،چہارم میں47 پنجم میں 102 جبکہ ششم عربی میں 146 طلباءکو داخلہ دیا گیاتھا۔آج دورہ حدیث کے نتیجہ کے ساتھ ساتھ اول تا دورہ حدیث شریف تک کے داخلوں کی کارروائی مکمل ہوگئی ہے ۔قائم مقام ناظم داخلہ امتحان مفتی عثمان غنی کے مطابق کے دارالعلوم دیوبند میں گزشتہ 2 شوال سے کئی مراحلہ میں سخت نگرانی کے درمیان داخلہ امتحانات ہوئے ،جن کے نتائج سلسلہ وار طریقہ سے منظر عام پرآچکے ہیں۔ انہوںنے بتایاکہ دورہ حدیث شریف کے نتیجہ کے بعدتحریر ی امتحان کی کارروائی مکمل ہوگئی مگر ابھی داخلہ کارروائی کا سلسلہ جاری ہے۔ واضح رہے کہ دارالعلوم وقف دیوبند میں گزشتہ تین روز قبل ہی داخلہ کارروائی مکمل کرلی گئی تھی،جہاں کل ڈیڑھ ہزار جدید طلباءکو داخلہ گیاہے۔ ادھر جی ٹی روڈ پرواقع دارالعلوم دیوبند زکریا دیوبند کے دروازے ابھی بھی طلباءکے لئے کھلے ہیں اور ادارہ کی انتظامیہ نے آج یعنٰی26 شوال کو طلباءکو داخلہ کاآخری موقع دینے کافیصلہ کیا ہے۔ادارہ کے مہتمم مفتی شریف خان قاسمی نے بتایاکہ ادارہ میں ابھی تک کل تقریباً 18 سو داخلے ہوچکے ہیں۔ انہوں نے کہاکہ کسی وجہ سے دارالعلوم میں نام نہ آنے والے طلباءکو مایوس ہونے کی قطعی ضرورت نہیں ہے کیونکہ دارالعلوم زکریا نے آج(جمعرات) کو طلباءکوداخلہ کا آخری موقع دیا ہے،بشرطیکہ طالبعلم نے ادارہ میں پہلے سے فارم داخلہ جمع کر رکھا ہو۔ جامعة االشیخ حسین احمد مدنی میں تمام جماعتوںمیں کل تقریباً 12 سو طلبا ءکو داخلہ دیاگیاہے۔ مہتمم مولانامزمل علی قاسمی نے بتایاکہ دورہ تک کی داخلہ کارروائی مکمل ہوچکی ہے جبکہ ادب اور افتاءمیںداخلے ابھی بھی جاری ہیں۔علاوہ ازیں دیگر دینی اداروں میں داخلہ کی کارروائی کی تکمیل کے بعد باقاعدہ طورپر تعلیمی سیشن کاآغاز ہوگیا۔
