نئی دہلی(ملت ٹائمزایجنسیاں
رہائش اور شہری ترقیات کے امورکے وزیرہردیپ سنگھ پوری نے میٹرو ریل کے کرایے میں مجوزہ اضافے کوقانون کے مطابق بتایاہے۔ انہوں نے کہاہے کہ اگردہلی کے وزیراعلیٰ اروندکجریوال کرایہ اضافے کوروکناچاہتے ہیں تودہلی حکومت کومیٹروسروس میں ہر سال ہونے والے3000 کروڑ روپے کے نقصان کی بھرپائی کرنی ہوگی۔ دہلی حکومت مسلسل10ویں سے کرایہ پرمبنی کمیٹی کی طرف سے تجویزکردہ اضافہ کونافذکرنے کے DMCC کے فیصلے کی مسلسل مخالفت کرتی ہے۔اس بابت کیجریوال نے پوری کوحال ہی میں خط لکھ کر چھ ماہ میں دو بار کرایہ اضافے کو عوام کے ساتھ ظلم اورغیرقانونی قرار دیتے ہوئے اسے روکنے کی مانگ کی تھی۔ابھی ہردیپ پوری نے کیجریوال کو لکھے گئے خط میں کہا ہے کہ دہلی میٹروایکٹ مجوزہ کرایہ اضافہ کوروکنے کی اجازت نہیں دیتاہے۔ انہوں نے کہاکہ پھر بھی اگر کیجریوال کرایہ اضافہ کو روکنا چاہتے ہیں تو نئے کرایہ تعین کمیٹی کی تشکیل کی جاسکتی ہے بشرطیکہ دہلی حکومت دہلی میٹروریل کارپوریشن (ڈی ایم آر سی) کو میٹرو آپریشنل میں ہر سال ہونے والے 3000 کروڑ روپے کے نقصان کی تلافی کرے۔ وزارت کے ایک افسر نے بتایا کہ پوری نے کیجریوال کی تجاویز پر تفصیل سے تبادلہ خیال کرکے انہیں موجودہ حالات میں رینٹل اضافے کوروکنا ناممکن بتاتے ہوئے ان کی مانگ کو قبول کرنے کے بدلے میں کیے جا سکنے والے اقدامات بھی سجھائے ہیں۔ پوری نے کہا کہ میٹرو ریل (آپریٹنگ اور دیکھ بھال) ایکٹ 2002 کے تحت قائم کمیٹی کی سفارشات میٹروانتظام پربائنڈنگ ہوتی ہیں۔اتناہی نہیں اس قانون کے تحت مرکز یا ریاستی حکومت اور ڈی ایم آر سی کے بورڈ آف ڈائریکٹرز کے پاس بھی کمیٹی کی سفارشات میں تبدیلی کرنے کاقانونی حق نہیں ہے۔
