پربھنی مہاراشٹرا(ملت ٹائمز)
آل انڈیا مسلم پرسنل لا بورڈ کی اصلاح معاشرہ کمیٹی (پورنا ضلع پربھنی) کے تحت سمن منگل کاریالیہ میں مستورا ت کے لئے ایک جلسہ¿ عام کا انعقاد ہوا،جس میں بورڈ کے سکریٹری حضرت مولانا محمد عمرین محفوظ رحمانی صاحب نے خواتین سے خطاب فرمایا، آپ نے بتایا کہ ہر دور میں دین کی اشاعت اور اس کے تحفظ کے لئے خواتین نے بڑی بڑی قر بانیاں پیش کی ہےں ،آپ نے حضرت مریم،حضرت آسیہ اورحضرت خدیجہ رضی اللہ عنہن کی مثال دیتے ہوئے خواتےن کو نصیحت کی کہ وہ معاشرے سے برائیوں کے خاتمے کی کوششوں کاحصہ بنیں۔
اس پروگرام میں ڈیڑھ ہزار سے زائد خواتین اسلام نے شرکت کی،اور حضرت والا کی باتوں پر عمل کرنے کاعہد کیا ،آپ ہی کی دعاپر اس جلسہ¿ عام کا اختتام ہوا۔جلسے کے اختتام پر یہ قرار داد تمام خواتین کی متفقہ رائے سے منظور کی گئی کہ
”ہم مسلمان خواتین شریعت اسلامی پر یقین رکھتی ہیں،اور طلاق شریعت اسلامی کا حصہ ہے جس پر پابندی ہماری حق تلفی ہے، اس لےے مسلم پرسنل لا پر عمل کی جو آزادی ہمیں حاصل ہے،اسے برقرار رکھا جائے،سپریم کورٹ یاپارلیمنٹ کے ذریعے اس میں تبدیلی کو ہم غلط سمجھتی ہیں۔“
اتنی بڑی تعدا د میں خواتےن اسلام کی شرکت اس بات کی واضح دلیل ہے کہ مسلمان عورتےںاسلامی قوانین سے پوری طرح مطمئن ہےںاور وہ اس میں کسی بھی طرح کی تر میم یا تبدیلی کے لئے تےار نہیں ہے ۔
