الور(ملت ٹائمزایجنسیاں)
راجستھان کے ضلع الورمیں مسلم دودھ تاجر کو گﺅ اسمگلر بتا کر ہندووادی تنظیم کے لوگوں نے اس کی 51 گائیں چھین کر انہیں گﺅشالا میں پہنچا دیں۔ کہا جا رہا ہے کہ تنظیم نے یہ کام پولیس کی ملی بھگت سے کیا ہے۔ یہ معاملہ ضلع کے کشن گڑھ باس تھانہ علاقہ کے ساﺅوباس کا ہے، جس میں سبا میو ولد نصرو خاں اور ان کی بیوی گائے پالتے ہیں۔ زبردستی گﺅشالا پہنچائی گئی گایوں میں سے ایک بھاگ کر واپس آ گئی، اب سبا میو کے خاندان کے پاس ایک گائے اور 20 بچھڑے-بچھڑیاں ہیں۔
یہ واقعہ 3 اکتوبر کا ہے اور 12 دن کے بعد بھی مسلم خاندان کو اس کی گائیں واپس نہیں دی جا رہی ہیں۔ دوسری طرف دودھ دینے والی گایوں کے بچھڑے-بچھڑیاں دودھ نہیں ملنے کی وجہ سے بھوکے پیاسے تڑپ رہی ہیں۔سبا انتظامیہ اور پولیس دونوں سے گایوں کو واپس دلانے کی گہار لگا چکا ہے، لیکن اس کی کوئی سنوائی نہیں ہو رہی ہے۔ سبا کے حق میں گاوں والوں کی طرف سے ایک درخواست دی گئی ہے، جس میں دیہاتیوں نے کہا ہے کہ یہ سبا میو کے پاس کل 52 گائیں اور بچھڑے-بچھڑ?اں موجود ہیں اور وہ کئی سالوں سے گﺅپالن کرتا ہے اور دودھ کا کاروبار کرتا ہے۔
روزانہ 100 کلو سے زیادہ گائے کا دودھ فروخت کرتا ہے اور پہاڑوں میں چرانے کے لئے گایوں کو لے جاتا ہے۔ اس کے بعد گھر لے کر جاتا ہے۔ فی الحال، خاندان کے لوگ گایوں کی غیر موجودگی میں بوتل سے بچھڑوں کو دودھ پلا رہے ہیں۔
پولیس کے ساتھ مل کر ہندوتو وادی تنظیم نے زبردستی گایوں کو گﺅشالہ بھیجی ہے۔ لہذا، کشن گڑھ باس پولیس سببا کو گﺅ اسمگلر ثابت کرنے میں جٹی ہے۔ ضلع میو پنچایت کے سرپرست شیر محمد نے کہا کہ الور ضلع میں مسلم خاندانوں کو گائے پالنے میں مسائل کا سامنا کرنا پڑ رہا ہے۔ لوگوں کو گﺅ اسمگلر ثابت کرنے کی کوشش کی جا رہی ہے۔ اگر انتظامیہ مجرموں کے خلاف کارروائی نہیں کرتی تو تحریک چلائی جائے گی۔
