تقریب کے صدر اور ایک مقامی سیاسی رہنما نے خاتون سے ہاتھ ملانا چاہاتو اْس نے یہ کہہ کر انکار کردیا کہ میرے مذہبی عقائد اس بات کی اجازت نہیں دیتے۔حکومت نے واقعے پر ردعمل ظاہر کرتے ہوئے کہا کہ خاتون کا رویہ ظاہر کرتا ہے کہ وہ فرانسیسی معاشرے میں ضم ہونا نہیں چاہتی، ایسا عمل سول کوڈ کے تحت کسی بھی فرانسیسی شہری کے شریک حیات کوملک کی شہریت دینے سے روکتا ہے۔
پیرس(ملت ٹائمز)
فرانس میں ایک مسلم خاتون کو ہاتھ نہ ملانے پر ملک کی شہریت دینے سے انکار کردیا گیاہے ،ایشیا ون نام کی ویب سائٹ نے رائٹر کے حوالے سے لکھا ہے کہ جون 2016ء میں فرانس کے جنوب مشرقی علاقے ایسرے میں ایک تقریب کے دوران ایک مسلم خاتون کو ملک کی شہریت دی جارہی تھی ، اس موقع پر تقریب کے صدر اور ایک مقامی سیاسی رہنما نے خاتون سے ہاتھ ملانا چاہاتو اْس نے یہ کہہ کر انکار کردیا کہ میرے مذہبی عقائد اس بات کی اجازت نہیں دیتے۔حکومت نے واقعے پر ردعمل ظاہر کرتے ہوئے کہا کہ خاتون کا رویہ ظاہر کرتا ہے کہ وہ فرانسیسی معاشرے میں ضم ہونا نہیں چاہتی، ایسا عمل سول کوڈ کے تحت کسی بھی فرانسیسی شہری کے شریک حیات کوملک کی شہریت دینے سے روکتا ہے۔
مسلم خاتون نے فرانسیسی شہری سے 2010ء میں شادی کے بعد اپریل 2017میں شہریت کے لئے درخواست دی، خاتون نے فیصلے کواختیارات کا غلط استعمال قرار دیا ہے۔تاہم ایسے معاملات کی حتمی سماعت کرنے والی عدالت کونسل آف سٹیٹ کا موقف ہے کہ حکومت نے ’’قانون کا غلط استعمال‘‘ نہیں کیا۔
