نا انصافی اور ظلم وزیادتی کے خلاف جب عوام خاموشی نہیں توڑیں گے اس وقت تک ملک سے ظلم وزیادتی ختم نہیں ہوگی ۔ انہوں نے مرکزی حکومت پر حملہ کرتے ہوئے کہاکہ آج ملک کی حالت اتنی خراب ہو چکی ہے کہ
نئی دہلی(ملت ٹائمز)
مرکزی حکومت کو اڑے ہاتھ لیتے ہوئے آج یہاں انڈیا انٹر نیشنل سینٹر میں کیمپس فرنٹ آف انڈیا کے ملک گیر مہم ”فاشزم کے خلاف عوامی اتحاد “ کے افتتاحی پروگرام میں سابق یونین منسٹر منی شنکر ائیرنے کہا ملک کی عوام کو بی جے پی حکومت نے سبز باغ دیکھا کر دھوکہ دیا ہے اور عوام کے یقین واعتماد کے ساتھ کھلواڑ کیا ہے ۔ انہوں نے کہاکہ مودی حکومت نے اچھے دن کے نام پر جمہوریت اور آئین وقوانین کا خون کیا ہے ۔ سابق منسٹر نے طلبہ سے خطاب کرتے ہوئے کہاکہ نوجوان قوم وملت کاوہ ورثہ ہے جس پر ملک اور معاشرے کی حفاظت کی ذمہ داری ہے ۔ فرقہ پرست اور عصمت دری کے خلاف آواز اٹھانے والی ایڈوکیٹ دپیکا راجاوت نے کہا کہ نا انصافی اور ظلم وزیادتی کے خلاف جب عوام خاموشی نہیں توڑیں گے اس وقت تک ملک سے ظلم وزیادتی ختم نہیں ہوگی ۔ انہوں نے مرکزی حکومت پر حملہ کرتے ہوئے کہاکہ آج ملک کی حالت اتنی خراب ہو چکی ہے کہ جو شخص بھی حکومت کے آواز اٹھاتے ہیں ان کے اوپر عدم قومیت کا لیبل لگا کر ان کا منہ بند کر دیا جاتا ہے یا پھر انہیں موت کے گھاٹ اتار دیئے جاتے ہیں ۔ انہوں نے کہا کہ حد تو یہ گئی کہ ملک میں اتنا کچھ ہو جاتا ہے اور وزیر اعظم خاموش بن کر تماشہ دیکھ رہے ہوتے ہیں ۔ اس موقع بات کرتے ہوئے سوامی اگنیویش نے کہاکہ یہ حکومت ہٹلر کی چال پر چل پڑی ہے جو ہندوستانی عوام ، آئین وجمہوریت کے خطرے کی گھنٹی ہے ۔
انہوں نے ہجومی تشدد پر بات کرتے ہوئے کہاکہ اگر اخلاق کے مجرمین پر قانونی کارروائی کی جاتی اور وزیر اعظم اپنی چپی توڑے ہوتے تو ملک میں ہجومی تشدد کے اتنے واقعات نہیں ہوتے۔ساجد ایم ایس نائب صدر کیمپس فرنٹ آف انڈیا نے ہما را ملک ایک جمہوری ملک ہے اور یہاں ہر مکتب فکر کے لوگوں کو برار کے حقوق حاصل ہیں مگر پچھلے چار سالوں سے جس طرح سے ملک کی سماجی ،معاشی، اقتصادی اور سیاسی حالات کو گدلا کیا گیا ہے وہ عوام کے لئے ایک لمحہ¿ فکریہ ہے ۔ انہوںنے کہا کہ ملک میں فاشزم اور فرقہ پرست طاقتیں اس قدر اپنی گھناﺅنی چال چل چکی ہے کہ جس کے تعلق سے اگر عوام کو بیدار نہیں گیا گیا تو تو ملک برباد ہو جا ئے گا ۔ انہوں کہا کہ یہی وجہ ہے کہ کیمپس فرنٹ آف انڈیا نے ملک ہر باشندے کو بیدار کرنے کے لئے فاشزم کے خلاف آج مہم کی شرعات کی ہے ۔ واضح رہے کہ فاشزم کے خلاف عوامی اتحاد کا افتتاحی پروگرام کا آج یہاں انڈیا انٹر نیشنل سینٹر دہلی میںآغاز کرنے کے بعد جنتر منتر میں ایک ریلی بھی نکالی گئی جس میں ملک کے مختلف گوشوں سے طلبہ وطالبات کے ساتھ کئی عبقری شخصیات بھی شریک ہوئے ۔
