نئی دہلی(ملت ٹائمز)
فلم ڈائریکٹر فرح خان کے شوہر کو اتر پردیش کے وزیر اعلیٰ کے خلاف ٹوئٹ کرنے مہنگے پڑگئے ہیں اور ان کیخلاف مقدمہ درج کرلیا گیا ہے۔میڈیا کے مطابق معروف فلم ہدایتکارہ فرح خان کے شوہر سریش کندرا کیخلاف ریاست اتر پردیش کے وزیراعلیٰ یوگی آدیتیہ ناتھ کو غنڈہ کہنے پر ایف آئی آر درج کرلی گئی ہے۔سریش کندرا نے سماجی رابطے کی ویب سائٹ ٹوئٹر پر یو پی کے وزیراعلیٰ پر تنقید کرتے ہوئے لکھا تھا کہ ”ایک غنڈے کو اقتدار دیکر اس بات کی امید کی جارہی ہے کہ تشدد کا خاتمہ کردیا جائے گا“۔ایک اور ٹوئیٹ میں انہوں ںے کہاتھاکہ جب غنڈہ کو سی ایم بنایاجاسکتاہے تو پھر داﺅد کو سی بی آئی کا ڈائریکٹر بھی بنایاجاسکتاہے۔
امیت کمار تیواری نے ایف آردرج کراتے ہوئے کہا کہ فلم پروڈیوسر کیخلاف یوگی آدیتیہ کا داو¿ د ابراہیم کے ساتھ موازنہ کرنے کی بناءپر قانونی کارروائی کی درخواست دی جارہی ہے۔ایف آئی آر درج ہونے کے بعد فرح خان کے شوہر نے ٹوئٹر پر معافی مانگتے ہوئے کہا کہ” اگر میرے پیغام سے کسی کو بھی تکلیف پہنچی ہے تو میں غیر مشروط طور پر معافی مانگتا ہوں“ اور اپنے سابقہ پیغام کو ٹوئٹر سے ختم کردیا۔
