لکھنو(ملت ٹائمزایجنسیاں)
سماج وادی پارٹی کو آج ایک اور دھچکا لگا،22سال سے سماجوادی پارٹی کی رکن رہیں ایم ایل سی سروجنی اگروال آج بی جے پی میں شامل ہو گئیں۔سروجنی اگروال نے قانون ساز کونسل سے بھی استعفی دے دیا۔بی جے پی میں شامل ہونے کے بعد سروجنی اگروال نے کہا کہ ملائم سنگھ یادو نے انہیں 1995میں سماجوادی پارٹی میں شامل کرایا تھا لیکن اب ملائم سنگھ پارٹی میں الگ تھلگ پڑ گئے اور اکھلیش کی پارٹی میں ان کا دل نہیں لگتا۔گزشتہ ایک ہفتے میں سماج وادی پارٹی سے بی جے پی جانے والی سروجنی اگروال تیسری ایم ایل سی ہیں،اب 29جولائی کو سماج وادی پارٹی کے دو ایم ایل سی بکل نواب اور یشونت سنگھ نے قانون ساز کونسل سے استعفی دیا اور 31جولائی کو بی جے پی میں شامل ہوگئے۔بی ایس پی کے جے ویر سنگھ بھی قانون ساز کونسل سے استعفی دے چکے ہیں۔اس طرح قانون سازکونسل میں چار سیٹیں خالی ہو گئی ہیں۔دراصل وزیر اعلی یوگی آدتیہ ناتھ ڈپٹی سی ایم ڈاکٹر دنیش شرما اور کیشو موریہ،آزاد وزیر دیو سنگھ اور محسن رضا اب نہ تو اسمبلی میں ہے اور نہ ہی اسمبلی میں جبکہ چھ ماہ کے اندر وزیر اعلی اور وزیروں کو اسمبلی یا قانون ساز کونسل کا ممبر ہونا چاہئے۔ایسے میں مانا جا رہا ہے کہ قانون ساز کونسل میں خالی ہوئی ان سیٹوں سے یوگی سرکار کے وزیر ایم ایل سی بنیں گے اور سی ایم یوگی آدتیہ ناتھ اسمبلی کا الیکشن لڑ کر ایوان میں پہنچیں گے۔
