مریلینڈ(ملت ٹائمز)
مریلینڈمیں ایک شرمناک واقعہ پیش آیا ہے جہاں ساﺅتھ ویس ائیر لائز کے پولس عملہ نے ایک خاتون کو ہوائی جہاز سے زبردستی کھینچ کر اتاردیا کہ انہیں الرجی کا متعدی مرض ہے۔ اس واقعہ کی ویڈیو سوشل میڈیا پڑ وائر ہوچکی ہے جس میں یہ دیکھا جارہاہے کہ ایک 46 سالہ خاتون انیلہ دولت زئی کو مریلینڈ میں ہوائی جہاز سے کھینچ کر اتارا جارہا ہے۔
نیویارک پوسٹ میں شائع خبر کے مطابق یہ واقعہ ستمبر کے اخیر عشرہ میں پیش آیا ہے ،نیویارک پوسٹ نے اپنی رپوٹ میں لکھاہے کہ ہوائی جہاز کے ایک دوسرے مسافر نے اس واقعہ کی منظرکشی کی اور انٹرنٹ پر اس کو پوسٹ کیا۔واقعہ کے دوران عورت معذرت کیساتھ کہہ رہی ہے کہ اس کے والد کی سرجری ہے۔ تاہم افسران اس کو بے رحمی کے ساتھ کھینچ کر ہوائی جہاز کے باہر لانے کاکام کررہے ہیں۔
آل انڈیا مسلم پرسنل لابورڈ کے نو منتخب ترجمان مولانا خلیل الرحمن سجادنعمانی کا پہلاخصوصی انٹرویو
مذکورہ عورت کو یہ کہتے ہوئے بھی سنا جارہا ہے کہ ” کیا کررہے ہیں آپ؟“ ایک مرتبہ اس نے یہ بھی کہاکہ ” میرا پینٹ اتر گیا ہے برابر کرلیتی ہوں“ خاتون نے ایک افسر پر پیٹنٹ کھینچنے کا بھی الزام لگایا۔اس نے کہاکہ ” مجھے ہاتھ مت لگاو
‘ میں چل رہی ہوں“۔
دولت زئی کے وکیل نے کہاکہ انہوں نے کبھی بھی دعوی نہیں کیا کہ ان کی الرجی سے زندگی کو خطرہ ہے۔ وکیل نے یہ بھی کہاکہ دولت زئی کو ہوائی جہاز سے صرف اس لئے اتاردیاگیا کیونکہ وہ مسلمان ہے۔ان کے وکیل نے دعوی کیا کہ وہ کتوں ( جس سے دولت زئی کی الرجی کی بیماری کو منسوب کیاگیا ہے )کے ساتھ ہوائی جہاز میں سفر کرنے کے لئے تیار ہے۔تاہم ساوتھ ویسٹ ائیرلائنس کے عملے نے دولت زئی کو ہوائی جہاز سے اترجانے پر مجبور کیا۔
واقعہ اس وقت پیش آیا جب منگل کے روز ہوائی جہاز بالٹی مور سے لاس اینجلس کے لئے اڑان بھرنے کو تیار تھا۔وکیل کا دعوی ہے کہ دولت زئی کا جنسی استحصال کیاگیا ہے اور انہیں بذریعہ ای میل دھمکیاں بھی دی جارہی ہیں۔
