ممبئی 19؍مارچ: (ملت ٹائمز؍پریس ریلیز) مرکزالمعارف ایجو کیشن اینڈ ریسرچ سینٹرکے ڈائریکٹر مولانا محمد برہان الدین قاسمی نے آج ایک پریس ریلیز کے ذریعہ سال 2108 تا 2020 بیچ کے ڈپلومہ ان انگلش لینگویج اینڈ لٹریچر کورس کے داخلہ امتحانات کی تاریخ کا اعلان کیا ہے۔ تحریری و تقریری امتحان 29 اور 31 /مارچ بمطابق 12 و 14 رجب المرجب 1439 ھ بروز جمعرات و سنیچر یوبند (یوپی) میں ہوگا۔ واضح رہے کے جمعرات کو تحریری اور سنیچر کو تقریری امتحان ہوگا تحریری امتحان میں پاس طلباء ہی تقریری امتحان میں شرکت کے مجاز ہونگے جبکہ داخلہ امتحان میں پاس ہونے کے لئے دونوں میں شرکت لازمی ہے۔
سالِ رواں داخلہ امتحان چار سینٹرز — مرکز اسلامی ایجو کیشن اینڈ ریسرچ سینٹر، انکلیشور، گجرات، اسلامک اسٹڈیز اینڈ ریسرچ سینٹر،مدرسہ اسلامیہ، بیتیا، بہار ، مدرسہ محمودیہ ایجوکیشن ایند ریسرچ سینٹر ، رام نگر، کرناٹک اور مرکز احیاء الفکر الاسلامی ، مظفر آباد ،سہارنپور یوپی — کے لئے ہوگا۔م ولانا ثناء اللہ قاسمی ، استاد ایم آئی ای آر سی ، انکلیشور مشترکہ داخلہ امتحان کے کو آرڈینیٹر ہونگے۔
مرکز المعا رف ایجو کیشن اینڈ ریسرچ سینٹرسے منسلک اداروں میں فارغین مدارس کے لئے دو سالہ DELL کورس کو متعارف کرایا گیاہے ۔ جہاں فار غ التحصیل طلبہ کو انگریزی زبان و ادب، کمپیو ٹر اور انٹرنیٹ، تاریخ، جغرافیہ، صحافت، ریاضی، جنرل نالج وغیرہ کی تعلیم کے ساتھ ساتھ تقابل ادیان کا مطالعہ بھی کرایا جاتا ہے۔ وقتاً فوقتاً طلبہ کو مختلف موضوعات مثلاً سائنس، صحافت، معاشیات وغیرہ فنون کے ماہرین کی خدمات فراہم کی جاتی ہیں۔ تا کہ یہ علماء پوری خود اعتمادی کے ساتھ جدید تقاضوں کا مقابلہ کر نے کے ساتھ ساتھ ملک و ملت کی ضرورت کے مطابق صحیح رہنمائی کرسکیں۔
“ڈیل” کورس کے نیشنل کو آر ڈینیٹر مولانا مدثر احمد قاسمی نے بتا یا کہ اس کورس میں داخلے کے لئے مقا بلہ جاتی امتحان منعقد ہوتا ہے جس میں مختلف فنون جیسے قرآن و تفسیر ، حدیث، فقہ، عربی زبان و ادب نیز عربی اور اردو مضمون نگاری و معلومات عا مہ پر مشتمل سوالات ہوتے ہیں۔ صرف صلاحیت کی بنیاد پر طلباء کا انتخاب کیا جاتا ہے ۔ اس داخلہ امتحان میں شرکت کے لیے ہندستان کے کسی بھی ادارے سے عالم یا فاضل ہونا ضروری ہے اور ہندوستان کے کسی بھی حصہ سے تعلق راکھنے والے خواہشمند فضلائے مدارس اس میں شریک ہو سکتے ہیں۔ درخواست فارم دیوبند اور لکھنو کے علاوہ تمام سینٹرز میں دستیاب ہے۔ دیوبند ڈاٹ نیٹ پر مفت فارم ڈاؤن لوڈ کی سہولت بھی ہے ۔ فارم جمع کر نیکی آخری تاریخ 26 ؍مارچ ہے۔
