نئی دہلی ۔(ملت ٹائمز)
کانگریس کے سینئرلیڈر غلام نبی آزاد نے آج رات کینڈل مارچ کیلئے نکلتے ہوئے میڈیا سے گفتگو کے دوران کہاکہ حکومت سورہی ہے جسے ہم آج درمیانی رات کو جگانے جارہے ہیں۔ پی ایم مودی نے بیٹی پڑھاﺅ۔ بیٹی بچاو کا نعرہ دیاتھا لیکن ان کی حکومت میں لڑکیوں کی عصمت دری کی جارہی ہے اور ان کے وزراءزانیوں اور مجرموں کو سزا دینے کے بجائے بچارہے ہیں ۔
واضح رہے کہ کانگریس صدر راہل گاندھی آج رات کشمیر سے تعلق رکھنے والی آصفہ کے حق میں کینڈل مارچ نکال رہے ہیں جس کے ساتھ گذشتہ تین ماہ قبل اجتماعی عصمت دری کا شرمناک واقعہ پیش آیاتھا اور اب تک اس معاملے میں مجرموں کو سزا نہیں مل سکی ہے ۔ ملت ٹائمز کے ذرائع کے مطابق پارٹی کارکنان کانگریس کے دفتر کے پاس جمع ہونا شروع ہوگئے ہیں اور کچھ ہی دیر میں انڈیا گیٹ پہونچ کر کینڈل مارچ نکالیں گے ۔
The govt is sleeping & so at this time Congress will have to wake them up. PM had given a slogan 'Beti Padhao, Beti Bachao' & it's in his regime that our girls are being raped. He isn't taking action against his ministers who are trying to save the rape accused: Ghulam Nabi Azad pic.twitter.com/PtfZkFlbSB
— ANI (@ANI) April 12, 2018
