نئی دہلی: مرکزی حکومت نے کانگریس کے سینئر لیڈر اور وزیراعظم راجیو گاندھی کی بیٹی پرینکا گاندھی وڈرا کو راجدھانی میں سرکاری رہائش گاہ خالی کرنے کے لئے نوٹس جاری کرتے ہوئے ایک مہینے کا وقت دیا ہے۔ مرکزی وزارت رہائش و شہری امور نے بدھ کو یہاں نوٹس جاری کرتے ہوئے کہا ہے کہ مرکزی وزارت داخلہ نے پرینکا گاندھی کی خصوصی سیکورٹی ایس پی جی واپس لے لی ہے، اس لئے ان کو رہائش گاہ الاٹ کرنے کی بنیاد ختم ہوگئی ہے۔
نوٹس میں کہا گیا ہے کہ پرینکا گاندھی کی رہائش گاہ کا الاٹمنٹ یکم جولائی کو رد کردیا گیا ہے اور ایک مہینے تک مکان میں رہنے کی چھوٹ دی گئی ہے، نوٹس کے مطابق یکم اگست 2020 کے بعد بھی الاٹ کئے گئے مکان میں رہنے پر نقصانات اور کرایہ کی ادائیگی کرنی ہوگی۔
وہیں کانگریس ترجمان رندیپ سرجے والا نے کہا کہ بی جے پی اور مودی حکومت کی کانگریس قیادت سے اندھی نفرت اور انتقام کا جذبہ عوام پر واضح ہے، اب وہ اور اوچھی حرکتوں اور ہتھکنڈوں پر اتر آئے ہیں۔ پرینکا جی کا گھر خالی کرنے کے نوٹس سے مودی جی اور یوگی جی کی بے چینی ظاہر ہوتی ہے۔ ہم حکومت کے تغلقی فیصلوں سے خوفزدہ نہیں ہیں۔
भाजपा व मोदी सरकार की कांग्रेस नेत्रत्व से अंधी नफ़रत तथा प्रतिशोध की भावना जग ज़ाहिर है।
अब तो वह और औछी हरकतों व हथकंडों पर उतर आए हैं। प्रियंका जी का मकान ख़ाली कराने का नोटिस मोदीजी-योगीजी की बेचैनी दिखाता है।
कुंठित सरकार के तुग़लकी फ़ैसलों से हम डरने वाले नहीं। pic.twitter.com/X9omFdPvLu
— Randeep Singh Surjewala (@rssurjewala) July 1, 2020