بہار کے ساتھ 11 ریاستوں کی 59 اسمبلی نشستوں پر ہونے والے ضمنی انتخابات میں بھارتیہ جنتا پارٹی (بی جے پی) نے 40 نشستیں حاصل کیں جبکہ کانگریس کو صرف 12 نشستوں پر اکتفا کرنا پڑا
نئی دہلی: (یو این آئی) بہار قانون ساز اسمبلی کے ساتھ 11 ریاستوں کی 59 اسمبلی نشستوں پر ہونے والے ضمنی انتخابات میں بھارتیہ جنتا پارٹی (بی جے پی) نے 40 نشستیں حاصل کیں جبکہ کانگریس کو صرف 12 نشستوں پر اکتفا کرنا پڑا۔ الیکشن کمیشن کی جانب سے منگل کی دیر رات گئے جاری ضمنی انتخاب کے نتائج کے مطابق بی جے پی نے مدھیہ پردیش کی 28 میں سے 19 نشستوں پر کامیابی حاصل کرکے ریاست میں اپنے اقتدار کو یقینی بنایا۔
مدھیہ پردیش
مدھیہ پردیش قانون ساز اسمبلی کے پاس 230 نشستیں ہیں اور اس کامیابی کے بعد بی جے پی کے پاس اب 226 نشستیں ہوگئئی ہیں۔ مدھیہ پردیش میں کانگریس صرف نو سیٹیں جیتنے میں کامیاب رہی اور سابق وزیر اعلی کمل ناتھ کا اقتدار دوبارہ حاصل کرنے کا خواب شرمندہ تعبیر نہ ہوسکا۔ ریاست میں بی جے پی کو 49.5 فیصد ووٹ ملے جبکہ کانگریس کو 40.5 فیصد ووٹ حاصل ہوئے۔
گجرات
گجرات میں بی جے پی نے اپنی مقبولیت برقرار رکھتے ہوئے ضمنی انتخابات میں آٹھ سیٹوں پر کامیابی حاصل کی ہے۔ ریاست میں کانگریس نے ان انتخابات میں بہت خراب کارکردگی کا مظاہرہ کیا ہے اور اس کا کوئی بھی امیدوار جیت نہیں پایا۔ یہ ضمنی انتخابات ریاست میں کانگریس کے ممبران اسمبلی کے استعفی کی وجہ سے ہوئے تھے۔ یہاں بی جے پی کو 55.1 فیصد اور کانگریس کو 34.3 فیصد ووٹ ملے۔
اتر پردیش
اترپردیش کی سات نشستوں پر ہونے والے ضمنی انتخابات میں بی جے پی نے چھ نشستوں پر کامیابی حاصل کی ہے اور ایک نشست سماج وادی پارٹی کے پاس گئی ہے۔ اتر پردیش میں بی جے پی کو 36.7 فیصد اور ایس پی کو 23.6 فیصد ووٹ ملے۔
منی پور
شمال مشرقی ریاست منی پور کے ضمنی انتخابات میں بی جے پی نے چار نشستوں پر کامیابی حاصل کی ہے اور ضمنی انتخاب میں آزاد امیدواروں نے ایک نشست پر کامیابی حاصل کی تھی۔ یہاں بی جے پی کو 40.5 فیصد ووٹ ملے۔
کرناٹک
کرناٹک میں دو سیٹوں کے ضمنی انتخاب میں حکمران بی جے پی نے دونوں سیٹوں پر کامیابی حاصل کی ہے اور بی جے پی کو 51.7 فیصد ووٹ ملے ہیں۔
تلنگانہ
تلنگانہ میں بی جے پی نے ایک نشست پر ضمنی انتخاب میں کامیابی حاصل کرتے ہوئے حکمران تلنگانہ راشٹرا سمیتی کے امیدوار کو شکست دی اور اسے 38.5 فیصد لوگوں نے ووٹ دیئے۔ اس جیت کے ساتھ ہی ریاست میں بی جے پی کے دو ایم ایل اے ہوگئےہیں۔
اڈیشہ
اڈیشہ میں حکمراں بیجو جنتا دل نے دو سیٹیں حاصل کیں اور بی جے پی کچھ خاص نہیں کمال نہیں کرسکی۔ یہاں پر حکمران جماعت کو 52.4 فیصد ووٹ ملے۔
ہریانہ
ہریانہ کی واحد بڑودا سیٹ پر ہونے والے ضمنی انتخاب میں کانگریس نے بی جے پی کے یوگیشور دت کو شکست دی۔
ناگالینڈ
شمال مشرق اور ریاست ناگالینڈ کی دو نشستوں پر ہونے والے ضمنی انتخابات میں نیشنلسٹ ڈیموکریٹک پروگریسو پارٹی نے ایک اور آزاد امیدوار کو بھی ایک پر کامیابی حاصل یوئی۔
جھار کھنڈ
جھارکھنڈ کی دو سیٹوں پر ضمنی انتخابات ہوئے جہاں کانگریس نے ایک پر کامیابی حاصل کی اور جھارکھنڈ مکتی مورچہ نے ایک نشست پر جیت حاصل کی۔
چھتیس گڑھ
چھتیس گڑھ میں بھی کانگریس نے ضمنی انتخاب میں ایک سیٹ پر کامیابی حاصل کی۔ چھتیس گڑھ میں میں کانگریس کو 56.1 فیصد لوگوں نے ووٹ دیئے۔
