عمر عبداللہ نے کہا کہ شیر کشمیر انسٹی ٹیوٹ آف میڈیکل سائنسز صورہ سری نگر کے ڈاکٹروں، نرسوں اور عملے کا مشکور ہوں۔ آج (یعنی 2 مارچ) میرے 85 سالہ والد اور والدہ کو کورونا ویکسین کی پہلی ڈوز دی گئی۔
کورونا کا ٹیکہ لیتے ہوئے ڈاکٹر فاروق عبد اللہ
سری نگر: نیشنل کانفرنس کے نائب صدر اور سابق وزیر اعلیٰ عمر عبداللہ لوگوں سے کورونا کا ٹیکہ لگوانے کی تاکید کرتے ہوئے کہا ہے کہ جب میرے عمر رسیدہ والد ڈاکٹر فاروق عبداللہ کئی عارضوں میں مبتلا ہونے کے باوصف یہ ویکسین لے سکتے ہیں تو آپ لوگوں کو بھی لینی چاہیے۔
Thank you to the doctors, nurses and staff at SKIMS, Srinagar. Today my 85 year old father & my mother had their first COVID jab. My father has a number of health issues including being on immunosuppressants for a kidney transplant. If he can get the vaccine, you should as well. pic.twitter.com/V6yo1zyuGR
— Omar Abdullah (@OmarAbdullah) March 2, 2021
انہوں نے شیر کشمیر انسٹی ٹیوٹ آف میڈیکل سائنسز صورہ سری نگر کے اس عملے کا بھی شکریہ ادا کیا جنہوں نے ان کے والدین کو یہ ویکیسن لگائی۔ موصوف نے ان باتوں کا اظہار منگل کے روز اپنے ایک ٹوئٹ میں کیا۔
عمر عبداللہ کا ٹوئٹ میں کہنا تھا کہ ’’شیر کشمیر انسٹی ٹیوٹ آف میڈیکل سائنسز صورہ سری نگر کے ڈاکٹروں، نرسوں اور عملے کا مشکور ہوں۔ آج (یعنی 2 مارچ) میرے 85 سالہ والد اور والدہ کو کورونا ویکسین کی پہلی ڈوز دی گئی۔ میرے والد کئی عارضوں میں مبتلا ہیں جب وہ ویکسین لے سکتے ہیں تو آپ کو بھی لینی چاہیے۔‘‘