حیدرآباد: کورونا وبا نے کئی افراد کی جانیں لی ہیں۔ تلنگانہ کے ضلع نظام آباد میں اس موذی مرض کی وجہ سے ایک ہی خاندان کے تین افراد کی 15 دن میں موت ہوگئی۔ ضلع کے دھرپلی منڈل کے واڈی دیہات میں سائیماں کے شوہر گنگا رام کی اس ماہ کی 4 تاریخ کو کورونا سے موت ہوگئی۔ اس کی بہو سندھیا جو اس مرض سے متاثر تھی کی بھی حیدرآباد میں علاج کے دوران اس ماہ کی 14 تاریخ کو موت ہوگئی۔ سندھیا حاملہ تھی۔ اس نے بچہ کو جنم دیا جس کے فوری بعد اس کی کورونا سے موت ہوگئی۔ سندھیا کی موت کے پانچ دن بعد اس کی ساس لتا کی بھی کورونا سے موت ہوگئی۔ وہ بھی اس موذی مرض سے متاثر تھی۔ اندرون 15 دن ایک ہی خاندان کے تین افراد کی کورونا سے موت ہونے کے سبب علاقہ میں غم کی لہر دوڑ گئی۔
