برلن۔10اپریل(ایجنسیاں)
جرمنی میں آج عوامی ذرائع آمدورفت کے شعبے میں ہڑتال کی وجہ سے کئی سو پروازیں منسوخ کر دی گئی ہیں۔ مزدور یونین ’ویرڈی‘ کے مطابق، فرینکفرٹ، میونخ، بون اور بریمن کے ہوائی اڈوں پر کام نہیں کیا جائے گا۔
اس صورتحال پر فضائی کمپنی لفتھانزا نے800 سے زائد پروازیں منسوخ کرنے کا اعلان کیا ہے جبکہ صوبہ شمالی رائن مغربی فیلیا اور باڈن وورٹمربگ کے متعدد شہروں میں عوامی ذرائع آمدورفت بند ہیں۔جرمن اخبار ڈی ڈبلیوکے مطابق نارتھ رائن ویسٹ فیلیا اور باڈن وورٹمربگ کے متعدد شہروں میں پبلک ٹرانسپورٹ بھی بند ہے۔ واضح رہے کہ متعلقہ یونین اس شعبے کے تقریباً 23لاکھ ملازمین کی تنخواہوں میں چھ فیصد اضافے کا مطالبہ کر رہی ہے۔
