آج اپنے ٹوئٹ میں وائناڈ کے رکن پارلیمنٹ راہل گاندھی نے جی ایس ٹی کے بارے میں پانچ نکات اٹھاتے ہوئے مودی سرکار کا گھیراؤ کیا۔
نئی دہلی: کانگریس لیڈر راہل گاندھی نے پیر کو گڈز اینڈ سروس ٹیکس (جی ایس ٹی) کونسل کی میٹنگ سے پہلے وزیر اعظم نریندر مودی پرحملہ کرتے ہوئے مرکز کی جانب سے ریاستوں کو دیئے جانے والے جی ایس ٹی محصول کے بارے میں ریاستوں کے وزرائے اعلیٰ سے سوال کیا کہ وہ مودی کے لئے لوگوں کے مستقبل کو کیوں گروی رکھ رہے ہیں۔
جی ایس ٹی کونسل کی آج 11 بجے ہونے والی میٹنگ میں ریاستوں کے محصولات واجبات کے معاملہ پر تبادلہ خیال کیا جانا ہے۔ کانگریس کے سابق صدر نے الزام لگایا کہ مرکزی حکومت نے جی ایس ٹی کے نفاذ کے بعد ریاستوں کو ہونے والے محصولات کے نقصان کی تلافی کا وعدہ کیا تھا، لیکن جب وزیر اعظم مودی اور کورونا وبا کی وجہ سے معیشت ٹھپ ہو گئی، تو اب مرکزی حکومت اپنے وعدے سے پیچھے ہٹ رہی ہے۔
آج اپنے ٹوئٹ میں وائناڈ کے رکن پارلیمنٹ راہ
گاندھی نے جی ایس ٹی کے بارے میں پانچ نکات اٹھاتے ہوئے مودی سرکار کا گھیراؤ کیا۔
1. Centre promises GST revenue for States
2. Economy shattered by PM & Covid
3. PM gives 1.4 lakh Crs tax cuts to Corporates, buys 2 planes for himself for 8400 Crs
4. Centre has no money to pay States
5. FM tells States- BorrowWhy is your CM mortgaging your future for Modi?
— Rahul Gandhi (@RahulGandhi) October 12, 2020
انہوں نے ان نکات میں کہا
مرکزی حکومت نے ریاستوں سے جی ایس ٹی محصول کو دینے کا وعدہ کیا تھا۔
کورونا بحران اور وزیر اعظم مودی کی وجہ سے معیشت زمیں بوس ہوگئی۔
پی ایم مودی نے کارپوریٹ کو 1.4 لاکھ کروڑ ٹیکس کی رعایت دی اور اپنے لئے 8400 کروڑ مالیت کے دو طیارے خریدے۔
اب مرکز کے پاس ریاستوں کو دینے کے لئے رقم نہیں ہے۔
وزیر خزانہ ریاستوں سے قرض کو لینے کو کہتی ہیں۔
راہل گاندھی نے آخر میں یہ بھی سوال کیا ’’وزرائے اعلی لوگوں کے مستقبل مودی کے پاس کیوں گروی رکھ رہے ہیں؟‘‘
