پرینکا گاندھی نے اتر پردیش میں دلتوں و خواتین کے خلاف جرائم میں ہو رہے اضافہ پر مبنی ایک گراف سوشل میڈیا پر شیئر کیا ہے اور کہا ہے کہ ریاستی حکومت جرم کے خاتمہ کی جھوٹی تشہیر کر رہی ہے۔
کانگریس جنرل سکریٹری پرینکا گاندھی اتر پردیش میں جرائم، بدعنوانی، گھوٹالوں اور دیگر عوامی مسائل کو بار بار اٹھا رہی ہیں اور ریاست کی یوگی حکومت کو ہر محاذ پر ناکام ظاہر کر رہی ہیں۔ آج ایک بار پھر پرینکا گاندھی نے سوشل میڈیا پر گراف کے ذریعہ یو پی کی کچھ ایسی سچائیوں کو لوگوں کے سامنے رکھا جو یوگی حکومت پر کئی طرح کے سوال کھڑے کر رہی ہے۔
दलितों के खिलाफ होने वाले कुल अपराध के एक तिहाई अपराध यूपी में होते हैं। यूपी में महिलाओं के खिलाफ अपराध में साल 2016 से 2018 तक 21% की बढ़ोत्तरी हुई।
ये सारे आंकड़ें यूपी में बढ़ते अपराधों और अपराध के मजबूत होते शिंकजे की तरफ इशारा कर रहे हैं।..1/2 pic.twitter.com/yD2BKMjb9T
— Priyanka Gandhi Vadra (@priyankagandhi) July 6, 2020
تازہ ٹوئٹ میں پرینکا گاندھی نے اتر پردیش میں دلتوں اور خواتین کے خلاف بڑھ رہے جرائم کی طرف لوگوں کی توجہ مبذول کرائی ہے۔ گراف پیش کرنے کے ساتھ ساتھ انھوں نے ٹوئٹ میں لکھا ہے کہ “دلتوں کے خلاف ہونے والے کل جرائم کے ایک تہائی جرائم یو پی میں ہوتے ہیں۔ یو پی میں خواتین کے خلاف جرائم میں سال 2016 سے 2018 تک 21 فیصد کا اضافہ ہوا۔ یہ سبھی اعداد و شمار یو پی میں بڑھتے جرائم اور جرائم کے مضبوط ہوتے شکنجے کی طرف اشارہ کر رہے ہیں۔”
ایک دیگر ٹوئٹ میں پرینکا گاندھی لکھتی ہیں کہ “حیرانی اس بات کی ہے کہ ان سب پر جوابدہی فکس کرنے کی جگہ یو پی حکومت ‘جرم ختم ہو جانے’ کی جھوٹی تشہیر کرتی رہی۔” قابل ذکر ہے کہ اس سے پہلے بھی پرینکا گاندھی یوگی حکومت کو بدعنوانی، کورونا سے پیدا مسائل اور بدتر نظامِ قانون کو لے کر نشانہ بناتی رہی ہیں۔ کانگریس کارکنان کی بلاوجہ گرفتاری کے خلاف بھی انھوں نے کئی بار آواز اٹھائی ہے۔
