عراق میں حکومت کے خلاف ہو نے والے احتجاج و مظاہرہ کے دوران بھڑکے تشدد میں مرنے والوں کی تعداد بڑھ کر 65 ہو گئی ہے۔
مقامی چینل نے اس کی اطلاع دی۔
عراق انسانی حقوق کی تنظیم کے سربراہ مصطفی سعدون نے کہا کہ تشدد میں مرنے والوں کی تعداد 50 کے پار پہنچ گئی ہے جبکہ زخمیوں کی تعداد 1936 ہے۔
قابل ذکر ہے کہ عراق میں بغداد اور مختلف شہروں میں گذشتہ منگل سے اقتصادی بحالی اور بدعنوانی ختم کرنے کی مانگ کو لے کر مظاہرین جگہ جگہ احتجاج کر رہے ہیں۔ اس دوران سیکورٹی فورسز کی جانب سے مظاہرین پر پانی کی بوچھاریں مارنے اور آنسو گیس کے گولے چھوڑے جانے کے بعد تشدد بھڑک جانے سے وہاں حالات مزید کشیدہ ہو گئے تھے۔
عراق میں آج کرفیو ہٹنے کی خبر
عراق کے وزیراعظم عادل عبد المہدی ہفتے کے روز یعنی آج شام پانچ بجے کرفیو ہٹانے کا حکم دے سکتے ہیں۔
اس کی اطلاع مقامی میڈیا نے دی ہے۔ خیال رہے کہ ملک بھر میں حکومت کے خلاف ہو رہے احتجاج کے بعد مرکزی حکومت نے کئی جگہ کرفیو لگا دیئے تھے۔
مقامی چینلز کے مطابق اگرچہ کن علاقوں میں کرفیو ہٹائے جائیں گے اس کے بارے میں ابھی کوئی اطلاع نہیں ملی ہے۔ قابل ذکر ہے کہ حکومت کے خلاف مختلف ایشوز کو لے کر عراق کے مختلف شہروں میں کچھ دنوں سے احتجاج و مظاہرہ ہورہےہیں۔
